HStAOrient5a: 32v

merfūʿ idi. Anlaruñ daḫı vaqtehā eşʿār ve luġaz dėmek kārları // ve güftār‑i şīrīn söylemek girdārlarıydı. Vilādet‑i bā‑seʿādetleri // fī sene [929]. Cülūs‑i hümāyūnları fī sene [974]. Vezīr‑i Āṣaf‑tedbīr ve müşīr‑i // żamīrleri ḥālā ḥażret‑i Meḥmed Paşa ṭawwala llāhu taʿālā ʿumrahū ilā yawmi l‑ǧazā. // Zamān‑i ʿadālet‑qırānlarında vāqiʿ olan fetḥin birisi fetḥ‑i Qıbrısur // ki fetḥ‑i Mıṣra muʿādildür. Her bir ḥıṣn‑i felek‑ üstüvārī rifʿat u // istiḥkāmda felek‑i ẕātü l‑burūca mümās̱ildür. Ve yümn‑i ṭāliʿ‑i ḫūrşīd‑i // lāmiʿleri Diyār‑i Yemenüñ fetreti medfūʿ olub Venedik‑i laʿīn // ve Beç qırālı maqhūr olmaġın içlerinde iltizām‑i ḫarāc revāc bulub // baʿdehū Diyār‑i Maġribde fetḥ‑i Ḥalqu l‑vād anlaruñ fetḥi ʿidādındadur. // Min baʿd bu fetḥ u ẓafere niçe fetḥler żamm olub ve kesr‑i ʿadūya hezār // kesrler münżamm ola. Seʿādetlü pādişāhumuza naṣīb olan mülk // ü salṭanet qayāṣıra‑i Rūm ve ekāsire‑i ʿAcem ve ḫavāqīn‑i Çīn ve esāṭīn‑i // Deylemden belki iqbāl‑i ʿArab ve Tubbaʿ‑i Yemen ve Āl‑i Büveyh ve Mülūk‑i // Sāsān ve selāṭīn‑i Selcūqīyeden bir ferde naṣīb olmamışdur // ve olmaz. Ḥaqq sübhānehū ve taʿālā ʿömr‑i ʿazīzini qadd ü zülf‑i ḫūbān // gibi neşāṭ‑i sürūr ile ṭūl ü dirāz ve vücūd‑i şerīflerin selāṭīn‑i // cihāndan mezīd‑i ʿadl ü inṣāfla ser‑firāz u mümtāz qılı‑vėre. // Āmīn bi‑ḥaqqi n‑nebīyi l‑ummīyi l‑emīn. Ve Tārīḫ‑i Mülūk‑i ʿAcemde